BAHLULEKE bancama abantu abasha be-ANCYL bezama ukuphazamisa uNobhala Jikelele we-ANC, uFikile Mbalula kwingqungquthela yabo yokukhetha ubuholi obusha eqhubeka manje, eNasrec eGoli.
Uthe egibela esiteji uMbalula wacula ingoma kaMawillies, ethi Intwenjani le.
Uthe eqeda, iqeqebane lamangu e-ANCYL laqala ingoma ethi, Awusitshele ukuthi uZuma Wenzeni. Ngesikhathi becula noMbalula ubekhuluma ebathulisa, bakwazile ukukhuzeka, wabe eseqala uMbalula.
Uthe eqala wathi ngeke bababekezelele okhandalimtshela okwakhe. “Ngithanda ukubonga kubaholi bentsha ye-ANC abathe uma becela ukuthi bahoxe nabo benze njalo,” kuchaza uMbalula obelokhu ephinde njalo ukuthi ngeke nangengozi bawabekezelele amahlongandlebe.
Lombuthano we-ANCYL bewuhanjelwe nangabanye abaholi bayo bangesikhathi esesadlula okubalwa uSihle Zikalala, Malusi Gigaba, Stella Ndabeni-Ibrahim nabanye.