Izindaba

Basagcwele amathafa ababulale umsakazi

Charles Khuzwayo|Published

UDUMI Bee wodumo kwiMbokodo FM nakuMgungundlovu FM ubulawe ngesihluku phambi komndeni wakhe

Image: FACEBOOK

BASAGCWELE amathafa abasolwa ngokubulala ngesihluku umsakazi  wodumo kwiMbokodo FM nakuMgungundlovu FM, uDumisani "Dumi Bee" Miya. Isolezwe lithole ukuthi uDumi Bee, obengomunye wabaculi bokholo, udutshulwe phambi komndeni wakhe, engena emzini wakhe  osendaweni yaKwaMachibisa, eMgungundlovu ngoLwesibili.

Ushonele endleleni ephuthunyiswa esibhedlela sendawo iHarry Gwala Hospital, ebiyaziwa nge-Edendale eminyakeni eyedlule.

Ubulawa nje umufi ubeduduza ngomculo umndeni obushonelwe eWillowfountain, eMgungundlovu ngoMgqibelo.

Emasontweni adlule ubematasatasa elekelela ngesikhathi kulungiselelwa umcimbi wasesikoleni Mthethomusha Primary eMgungundlovu. Luyeza udaba oluphelele.