Kuzoqala uhlelo lokufuna izihlobo zabaphangalale kweyaseLimpopo
|Published
Ibhasi elethole ingozi eLimpopo lisuka eGqeberha
Image: X
Uhulumeni wesifundazwe saseLimpopo ukuqinisekisile ukuthi bangu-42 abantu abalahlekelwe yizimpilo zabo kulandela ingozi ebandakanya ibhasi eyenzeke ku-N1 North ngase-Ingwe Lodge eLimpopo ngeSonto ebusuku.
Ngokwemibiko yokuqala, ibhasi kukholakala ukuthi belithwele abagibeli abavela eZimbabwe naseMalawi abebesuka e-Eastern Cape belibangise emazweni abo ngesikhathi liphuma emgwaqeni ligudla umqansa laphonseka onqenqemeni.
Ngokusho koMnyango wezokuThutha eLimpopo, abashonile bahlanganisa abesifazane abangu-18, amadoda angu-17 nezingane ezingu-7. Bangu-49 abagibeli abalimele, okuhlanganisa abayisithupha abasesimeni esibucayi, abangu-31 balimele kanzima, abangu-12 bathole imihuzukwana.