I-ANC iyalele uMdaka ukuba asule esikhundleni

UBUHOLI be-ANC KwaZulu-Natal sebuyayelele iphini lemeya kuMasipala waseMkhanyakude elisanda kuqokwa, uMnuz Siphile Mdaka, ukuba lisule ngokuphazima kweso esikhundleni. 

UMdaka, owayeyimeya yomkhandlu, uqokelwe kulesikhundla emhlanganweni womkhandlu obuyizolo. 

Okhulumela i-ANC KwaZulu-Natal, uMnuz Fanle Sibisi, uthe akuzange kukhulunywe nabo ngaphambi kokuthi uMdaka aqokelwe esikhundleni esisha.

UMdaka wakhishwa kwesobumeya ngevoti lokungabethembi ubuholi bakhe. 

Umasipala wabe usuwela ezandleni ze-IFP.

USibisi uthe basamile ekutheni kwakungafanele uMdaka akhishwe esikhundleni sobumeya. 

"Siyakuqaphela ukuthi uMdaka uqokwe ngo-elethu, wavotelwa yiwo wonke amaqembu amelelekile emkhandlwini. Kodwa ke sifuna ukuthi asule esikhundleni."

Ukukhishwa kukaMdaka kwesobumeya kwadunga ubudlelwano bamaqembu abusa ngokubambisana KwaZulu-Natal. 

I-ANCYL KwaZulu-Natal yanxwnxa i-ANC ukuba ishiye uhulumeni wesifundazwe oholwa i-IFP.