Kuboshwe 'isoka' ngokubulala amantombazane aseMamelodi
Izintokazi uTshiamo Moramaga (22) noBaleseng Moramaga (21) izidumbu zabo zitholwe emngwaqweni ngeSonto ekuseni zinamanxeba okudutshulwa ekhanda
Image: X
Kuboshwe indoda eneminyaka engu-38 ubudala namhlanje, ngamacala amabili okubulala nelokuzama ukubulala enzeke eMamelodi East Extension 17 ngeSonto, 26 October 2025.
Uphenyo lwamaphoyisa luveze ukuthi isisulu sesithathu, esidutshulwe ngesikhathi kubulawa uTshiamo Moramaga (22) noBaleseng Moramaga (21) , sithola ukwelashwa esibhedlela.
Imibiko evela endaweni ithi umsolwa uyaziwa ungumqiphi endaweni yobumnandi, kuthiwa uchithe imali engangoR10k etshwaleni ephuzisa lezi zintokazi ngoMgqibelo ebusuku.
Kuthiwa umphakathi uqonde ngqo emzini wakhe, bamthola engekho, wawothela ngomlilo.
Ngokwenza lolu lwazi, ithimba elihlanganisa abaseshi baseGauteng Provincial Serious and Violence Crime Unit, Provincial Crime Intelligence, nabaseshi baseMamelodi East babophe umsolwa endaweni yokugcwalisa ePitoli.
Umsolwa kulindeleke ukuba avele eNkantolo yeMantshi yaseMamelodi ngoLwesithathu.
Izelamani zitholwe zidindilize
Image: X