Kumiswe isikhulu sezempilo eGauteng kuqhubeka uphenyo lwenkohlakalo
Isikhulu sezempilo esimisiwe eGauteng uMnuz Leseba Malotana
Image: X
UNdunankulu waseGauteng uPanyaza Lesufi umise uLesiba Arnold Malotana, iNhloko yoMnyango wezempilo eGauteng isigubhukane.
Lokhu kulandela uphenyo lwe-SIU mayelana nezinsolo zokukhwabanisa amathenda, ukugwazelwa okuthiwa kufinyelela ku-R11 million, nokungahambisani nomthetho ekuqokweni kwakhe kanye neziqu zakhe.
UNdunankulu uqinisekise ukwesekwa i-SIU futhi wafunga ukuthi uzogcina amazinga aphezulu okuziphendulela kanye nobuholi obunesimilo.
UDkt Darion Barclay, okumanje ophethe ezokuBusa ngokuBambisana neziNdaba zoMdabu (CoGTA), uzosebenza njengeBamba leNhloko yomnyango ukuze kuqinisekiswe uzinzo nokuqhubekayo ezinsizakalweni zezempilo zikahulumeni.
Incwadi yomnyango eqinisekisa ukumiswa kwesikhulu uLesiba Malotana
Image: X