Ubeyosiza engozini umqeqeshi olimale kwenyantisa igazi
Umqeqeshi we-Orlando Pirates u-Abdeslam Ouaddou Picture: Sydney Mahlangu/BackpagePix
Image: Sydney Mahlangu/BackpagePix
I-Orlando Pirates Football Club iqinisekise ukuthi umqeqeshi u-Abdeslam Ouaddou kanye nabasebenzi abahlanu beqembu babe sengozini ngeSonto ebusuku.
Lokhu kwenzeke emgwaqeni onguthelawayeka u-R21 ngesikhathi iqembu libuya eGqeberha, kulandela ukunqoba kwalo iChippa United ngo 3-0. Kushayisane izimoto ezimbili, umqeqeshi u-Ouaddou kanye nozakwabo behla ebhasini leqembu ukuze bayosiza.
Ngesikhathi beya endaweni yengozi, kuqhamuke imoto yohlobo lweNissan NP200 yashayisa lezi zimoto ebezimile, kwalimala nabantu abebemile.
Umqeqeshi u-Ouaddou, kanye nabasebenzi abahlanu abathintekile, baphuthunyiswe esibhedlela, lapho belashwa khona. Iqembu liyaxhumana nodokotela futhi lizokhipha imininingwane ngokuhamba kwesikhathi.
Isiyazisiwe imindeni yabathintekile futhi ikuthola konke ukwesekwa okudingekayo ngalesi sikhathi esinzima.