Besenza unyaka wesithathu isitshudeni saseDUT esizibulele
IDUT iphebeza amahlebezi okuthi isitshudeni sizibulalele inkinga yezezimali
Image: Independent Newspapers Archives
IDurban University of Technology (DUT) ikhiphe imininingwane yesitshudeni esiziphuce impilo ngoLwesibili emini kuvela amahlebezi wokuthi sizibulele ngenxe yezinkinga zoxhaso lwezemmfundo.
Lesi sitshudeni kuthiwa nguSphiwokuhle Madela ongasekho, ubenza unyaka wesithathu ohlelweni lwe-BHSc Diagnostic Radiography ngaphakathi kweFaculty of Health Sciences.
I-DUT iveze ukuthi iphoxekile ngemibiko engamampunge yokuthi lesi sitshudeni siphucwe uxhaso lweNSFAS.
"UMadela ubexhaswe yiNSFAS ngokuphelele lokhu kuqinisekiswe efayeleni lokugcina lokukhokha langomhla zi-4 kuNcwaba 2025, lapho abhalwa khona njengomfundi obuyayo kukho kokubili ukufundiswa nokuhlala ngo-2025. Okubalulekile, uMadela ebengeyona ingxenye yefayela le-NSFAS elihlukile (elivame ukubizwa ngokuthi ‘ngabafundi abangasaxhasiwe’)."