UHALALISELWE ngabangani nabalandeli umlingisi obuye abe ngumethuli wezinhlelo zethelevishini uPearl Thusi, osephenduke uDJ.
UPearl odabuka eThekwini, uzakhele udumo ngesikhathi ethula izinhlelo ezimbalwa okuhlanganisa iLive Amp, Real Goboza nezinye.
Ngempelasonto kubonakale ividiyo iveza uPeral edlala emcimbini ebukeka ejabule. Kubukeka sengathi ngempelasonto ubenandisa emcimbini iMakhelwane Fest, eSoweto.
Pearl Thusi in the Decks 😩 pic.twitter.com/wwjQ4wiOrR
— 𝘼![CDATA[]]>𝙍![CDATA[]]>𝙏![CDATA[]]>𝙐![CDATA[]]>𝙍![CDATA[]]>𝙊 (@Ke_Arturo) February 18, 2024
UPearl ubonge yumculi uDaliwonga ngokumeseka. Ubhale ukuthi ubedlala ngemuva kwakhe futhi enovalo.
“Ngiyabonga mfowethu. Sikhulume okuningi kodwa amazwi akho asizile ukwehlisa uvalo,” kubhala uPearl.
Udalule nokuthi uma egeza noma egqoka uyacula futhi manje usekwazi ukwenza lokho nabantu.
“Ngiyakuzonda ukuthi ngilinde isikhathi eside ukwenza lokhu,” kusho uPearl.
UDJ Zinhle ungomunye wabamhalaliselile.
“Halala DJ wami @pearlthusi.”