EMUVA kwesikhathi eside kungacaci ukuthi umatasa nani umethuli wezinhlelo zethelevishini, sekuvelile ukuthi ubethukuse induku emqubeni. UKhanya Mkangisa ube nengxoxo ekhethekile nabeNounouche mayelana nokukhulelwa nobudlelwane bakhe bezothando.
Kule ngxoxo nabeNounouche uKhanya uveze ukuthi yena nesoka lakhe elingusomabhizinisi uDesmond Williams babusiswe ngendodana. UKhanya uveze ukuthi konke okwenzeka manje kuya ngezifiso zakhe njengoba aqinisekisa ukuthi uthatha isikhathi esanele ngaphambi kokukhulelwa.
"Kubungazwe isihlabani somlingisi nomethuli wezinhlelo zethelevishini, mayelana nomsebenzi wakhe nokuba umama wengane yokuqala," kuloba uKhanya kwi-Instagram ngengxoxo abenayo nabeNounouche.
Abalandeli nosaziwayo abahlukene bazakwalise okukhulu ukumjabulela ngalesi sibusiso.
"Basebenzile abafana," kusho uThedeacon eshaya amancoko, uKhanya uphendule ngamakhanda ahlekayo.
"Abalisa baseNingizimu Afrika yonke bahlukumezekile," kungcofa uLotto_nh18, uKhanya uphendule sakudlala ngokuthi basazoqhubeka baphile kunjalo.
"Isipho esihle sangenyanga ezayo uzalwa, ngiyakubongela usalindwe ukhalo oluhle," kusho uFiona_Grootboom.
"Ngiyakujabulela kakhulu, ngiyakubongela mngani wami ngikuthanda kakhulu," kusho uJessica_Vanheerden.
"Ngiyajabula ngokuthi uthathe isikhathi sakho," kusho u-Asavela.
