UBALA ukuzikhandla nokuzinikela njengezithelo zempumelelo yakhe uThembi Seete, obelingisa kwiGomora.
UThembi, obelingisi emdlalweni wethelevishini iGomora futhi engumehluleli kuma-Idols SA, usanda kukleliswa njengomunye wabangu-100 abanamagalelo e-Afrika, namaphethelo phakathi kwenyanga kaJanuwari noJuni nonyaka.
"Ngiyabonga kakhulu kwabeRank Africa. Ngizizwa ngihloniphekile ngokuba kwiTop Africa 100," kubhala umlingisi owaduma esacula kwiBoom Shaka.
Ngokwesitatimende sabeTop Africa100, uThembi ukhethwe kwiTop 100 Most Impactful People emunxeni wamafilimu ngoba ekuqaleni kwalo nyaka uhlabane ngomklomelo weBest Female Movie Star Award kuma-Africa Choice Awards.
Abahleli bomqhudelwano bathi inhloso yabo ukuqhakambisa abantu bezizwe ezehlukene namasiko azo e-Afrika,
Abanye bakuleli abaklelisiwe kubalwa uGail Mabalane we-Unseen, umlingisi woMkhokha The Curse uNayMaps, umlingisi weMy Brother's Keeper uSdumo Mtshali, umlingisi weShaka Ilembe uNomzamo Mbatha, umlingisi weHow to Manifest a Man u -Enhle Mbali Maphumulo, umlingisi weThe Woman King uThuso Mbedu, umlingisi weThe Estate uDineo Langa, noLerato Mvelase olingisaemdlalweni Icala kuMzansi Magic, nabanye.
