ISIMO ebesingalindelekile siphoqe ukuthi kulandwe umakadebona womlingisi, uFlorence Masebe ukuthi azovala isikhal sikaHarriet Manamela emdlalweni iSkeem Saam.
UManamela ulingisa indawo kaMeikie Maputla kulo mdlalo okhonjiswa kwiSABC 1.
I-Skeem Saam sikhonjiswa ngo-6.30 phakathi nesonto. Kusuka ngoMashi 4 kulindeleke ukuthi sithuthele ku-7.30 phakathi nesonto.
Izindaba zokuhamba kukaManamela ziqinisekiswe ngesitatimende ngowezokuxhumana eSABC eziteshini zethelevishini, uCaroline Phalakatshela.
Uthe uzogcia ukubonakala ngo-Ephreli 5.
"Isinqumo size ngemuva kokuthi bekudingeka uHarriet Manamela aye ekhefini lokugula isikhathi eside," kusho yena.
Uthe kusuka ngoMeyi 15 indawo kaMeikie izodlalwa nguMasebe.
UMasebe uzakhele udumo emidlalweni okubalwa kuyu uMuvhango, Scandal!, Soul City, The Republic neminye.
Kwenzeka lezi zinguquko nje, iSkeem Saam sisanda kujoyinwa ngabalingisi abasha.
BangoPholoso Mohlala odlala indawo kaTsietsi, Themba Manganyi onguPule, Brendan Maphake ongu-Amukelani noNyaniso Dzedze olingisa uNkosi.
I-Skeem Saam singumdlalo wesine ngokubukwa kakhulu eNingizimu Afrika, ngokweBroadcast Research Council of South Africa. Slandela Uzalo, Scandal! neGenerations: The Legacy.